Konunglegur klofningur: Cambridge gegn Sussex

Nýlegar fréttir greina frá því að sameiginlegur góðgerðarsjóður hertogahjónanna af Sussex og Cambridge muni framvegis einungis starfa undir nafni Cambridge hjónanna. Þessar fréttir eru einar af mörgum undanfarið sem gefa þá sýn að ekki sé gott á milli Sussex og Cambridge hjónanna, en samstarf hertogahjónanna er í dag lítið sem ekkert. Konungshöllin afneitar öllum ásökunum um ósætti en erfitt er að hunsa það sem hefur gerst undanfarna mánuði. 

Sjóðurinn sem um ræðir kallast The Royal Foundation, eða Hinn Konunglegi Sjóður og var stofnaður af Harry og Vilhjálmi árið 2009 til að halda utan um hin ýmsu góðgerðamál sem þeir eru velunnarar. Katrín varð síðan hluti af stjórn sjóðsins eftir að hún og Vilhjálmur giftust árið 2011. Meghan kom síðan formlega í hópinn eftir að hún og Harry giftust í fyrra. 

Vorið 2018 komu þau öll fjögur saman í spurt og svarað viðburði sjóðsins, en viðtalið vakti mikla athygli enda sjaldan sem við sjáum Katrínu, Meghan, Harry og Vilhjálm öll saman í viðtali. Þar svöruðu þau hinum ýmsu spurningum og ræddu plön sín um sjóðinn. Eftir það var vonast til að þetta yrði árlegur viðburður og þarna væri hægt að sameina vinsældir þeirra allra til að safna peningum fyrir góðgerðarsjóðinn. Áhugavert er að sjá svar þeirra við einu af fyrstu spurningum viðburðarins, þar sem þau eru spurð um hvernig þeim gengur að vinna saman. Er auðveldlega hægt að segja að svörin séu frekar vandræðaleg og augljóst er að meira liggur að baki.

 

 

Ósættið milli hertogahjónanna var fyrst talið vera milli Katrínar og Meghan og voru sögusagnir um að þær væru mjög ósáttar hver við aðra. Sá orðrómur varð síðan að engu, sérstaklega eftir að þær mágkonur sáust spjalla og hafa gaman saman fyrir jólamessuna 2018. Seinna breyttist þó sagan í að ósættið væri í raun og veru á milli bræðranna; Vilhjálms og Harry.

 

 

 

View this post on Instagram

Merry Christmas! The Duke and Duchess of Cambridge and The Duke and Duchess of Sussex joined The Queen and Members of @theroyalfamily at the Christmas morning service at Sandringham Church. 📷PA

A post shared by Kensington Palace (@kensingtonroyal) on Dec 25, 2018 at 3:23am PST

 

Sögusagnirnar um ósætti bræðranna kemur upprunalega út frá öðrum orðrómi um að Vilhjálmur hafi haldið framhjá Katrínu. Ósættið milli bræðranna væri það að Harry væri reiður við bróður sinn útaf framhjáhaldinu, en Harry og Katrín eru góðir vinir. Orðrómurinn er þó byggður á mjög daufum sögusögnum sem ólíklega eru sannar. Samt sem áður er erfitt að líta framhjá öllum þeim sönnunargögnum um að Harry sé ósáttur við bróður sinn. Myndefni frá komu Cambridge hjónanna í árlega páskamessu vakti athygli, en hægt er að greina að Harry heldur sig vandlega frá bróður sínum. 

 

 

Hinar ýmsu breytingar ýta undir að ósætti sé milli hertogahjónanna, en það er helst sú ákvörðun Harry og Meghan að flytja út úr Kensington-höll. Þar búa Vilhjálmur og Katrín, og var áður heimili Díönu. Var lengi talið að Harry og Meghan myndu búa þar líka enda konungshöllin ekki af smærri gerðinni og eru margar íbúðir innan hallarinnar og búa fleiri meðlimir konungsfjölskyldunnar í höllinni. Harry og Meghan ákváðu að flytja til Frogmore Cottage í Windsor. Er eðiliegt að Harry og Meghan vilji búa til eigið framtíðarheimili og fluttu Vilhjálmur og Katrín svipað eftir að þau eignuðust Georg prins, en þau bjuggu lengi í Amner Hall í Norfolk áður en þau gerðu Kensington-höll að heimili sínu. 

Seinna var tilkynnt að Sussex hjónin myndu splitta frá starfsteymi Kensington hallar, sem sér um Vilhjálm og Katrínu, og Harry áður en hann gifti sig. Þau eiga núna sitt eigið teymi sem starfar í Buckingham höll og stofnuðu sinn eigin Instagram aðgang; sussexroyal. 

Konungsfjölskyldan er smátt og smátt að undirbúa framtíðina og er eðlilegt að Vilhjálmur og Katrín hafi stærra starfslið í sínu eigin húsi, þar sem þau eru framtíðar prins og prinsessan af Wales, og seinna meir kóngur og drottning Bretlands. Harry og Meghan eru hinsvegar að minnka örlítið við sig og er stafsemi þeirra að verða líkari konungsfjölskyldumeðlimum systkina Karls. Harry og Meghan gegna líka allt öðru hlutverki innan konungsfjölskyldunnar og endurspeglar starfsteymi þeirra, staðsetning og Instagram aðgangurinn það. 

Hvort það sé hægt að trúa orðrómum eins og að Harry og Vilhjálmur hafi ekki talast við mánuðum saman eftir brúðkaup Harry og Meghan, er erfitt að segja. En slúðurfréttir vitna oft í konunglegan heimildarmann, sem í raun og veru getur verið hver sem er og geta því þannig sannanir verið misáreiðanlegar. Það er samt sem áður augljóst að eitthvað er að koma í veg fyrir frekara samstarf milli hjónanna. Auðvelt er að benda á Meghan sem blóraböggul þar sem hún kemur ný inn í konungsfjölskylduna en þó er líklegra að hér er um að ræða tvo ólík hjón sem eru einfaldlega ekki sammála um hvernig eigi að fara að hlutunum. 

 

Harry prins fer nýjar leiðir

Harry og Meghan eru að verða vel þekkt fyrir að fara öðruvísi að hlutunum en konunglegar hefðir segja til um og vilja margir meina að það sé Meghan sem sé að umbreyta öllu, en Harry er líka að fara nýjar leiðir.

Seinasta sunnudag deildi instagram aðgangur Harry og Meghan nýrri mynd af syni þeirra Archie í tilefni feðradagsins í Bretlandi. Það sést hinsvegar bara rétt svo í andlit barnsins, en það er eflaust leið þeirra hjóna til að vernda hann fyrir athygli fjölmiðla. Við fáum smá skot af hvernig hann lítur út, en á myndinni sést mest í hendina á Harry og á miðri myndinni, það fyrsta sem maður sér, er giftingahringur. Það sem er áhugavert við það er að Harry gengur með giftingahring.

 

 

 

View this post on Instagram

A post shared by The Duke and Duchess of Sussex (@sussexroyal) on Jun 16, 2019 at 5:01am PDT

  

Vilhjálmur bróðir hans er ekki með hring og hefur aldrei verið með, en það vakti mikla athygli þegar hann og Katrín giftust árið 2011. Þá gaf höllin það út að það væri persónulegt val Vilhjálms að vera ekki með hring. Áhugvert er líka að nefna að hvorki Filippus drottningarmaður né Karl Bretaprins eru með giftingahringa.

Þegar Filippus og Elísabet giftu sig árið 1947 var það frekar nýlegt fyrirbæri að karlar gengu með giftingahringa og var Filippus ekki að taka þátt í þeirri tískubylgju. Er talið að siðurinn hafi byrjað í seinni heimstyrjöldinni þannig að eiginmennirnir hefðu eitthvað til að minnast eiginkonunnar þegar þeir voru erlendis að berjast.

Karl bretaprins var þó með giftingahring þegar hann giftist Díönu árið 1981. En hringurinn var ekki á baugfingrinum eins og vanalega er. Heldur var hringurinn næstum falinn á bakvið stærri hring sem Karl er með á litla fingrinum. Sá hringur táknar að hann sé Prinsinn af Wales, en slíkir hringar á litla fingri sem tákna stöðu einstaklingsins eru vinsælir innan efri stétta Bretlands. Karl gekk áfram með hringinn eftir að Díana dó, en hann tók þann hring af árið 2005 og setti upp nýjan þegar hann giftist Kamillu það sama ár.

Harry er því ekki algjörlega að fara nýja leið, en instagram myndin er þó ákveðin yfirlýsing þar sem hvorki afi hans, bróðir né faðir ganga með hringa svona augljóslega. Hann og Meghan eru staðráðin í að fara öðruvísi að hlutunum. 

Gaman er þó að segja frá því að skírn Archie á að fara fram snemma í júlí og er búið að staðfesta að Katrín og Vilhjálmur ásamt Karl og Kamillu muni mæta. Elísabet mun því miður missa af skírninni, en hún mætti ekki heldur í skírn hjá Lúðvík prins, yngsta syni Katrínar og Vilhjálms í fyrra. Hvenær skírnin mun síðan fara fram kemur í ljós þegar nær dregur, en það er alveg víst að höllin mun birta fallegar myndir og við munum loksins fá góða mynd af Archie Harrison.

 

 

 

View this post on Instagram

The Duke and Duchess of Cambridge with Members of @TheRoyalFamily. This photograph was taken by Matt Holyoak in the Morning Room at Clarence House, following Prince Louis's baptism in the Chapel Royal, St. James’s Palace.

A post shared by Kensington Palace (@kensingtonroyal) on Jul 15, 2018 at 2:30pm PDT